نيني يسرق من "تريكيل" الإلكترونية


نيني يسرق من "تريكيل" الإلكترونية
لمغلغل:

رشيد نيني وْكَحْ, مابقا لاقي علاش يكتب فالعمود الطويل ديالو, حيت كاع هادوك الناس اللي كان كيكتب عليهوم ولاو صحابو, الهمة, والماجيدي, وزيد عليهوم حتى ترّيكت لفّاسة, هاد حالة "الوَكاحة" اللي وصل ليها نيني خلاتو يولي يدير "كوبيي كولي" للمقالات ديال الناس لخرين, بلا مايشير للمصدر منين خداها- باش زعما ميديرش ليهوم الإشهار-, والإشارة للمصدر راها كيتعلموها الناس فأبجديات الصحافة, المهم, القضية ومافيها أن السّي رشيد نيني بيراطا لينا المقال ديال الكاتب ديالنا "خنزور" بلا حشما بلا حيا من "هيسبريس-تريكيل", واخا هو فيروس ولكن راه كيكتب مزيان, وخاطف الأضواء هاد الأيام, كلشي كيهضر عليه, وزدناه فالسالير, المهم, نيني شدّ المقال ديال السيّد ولصّقو فالعمود ديالو على أنه رسالة كتبها أحد القراء المجهولي الإسم, وكاع اللي خدم فالصحافة كيعرف هاد اللعيبة ديال "القرّاء" المجهولين اللي معندهوم سمية, أسيدي على الأقل دير سميت هاد "أحد القراء", ما علينا, سيفطنا لسّي نيني رسالة محترمة كرد فعل حضاري باش يصلح الخطأ ديالو, الساعة السيّد دار صلعة من طين و صلعة من عجين, ومتسوقش لينا كاع, حتى أن الفيروس "خنزور" اللي كتب المقال كعا وبغا يمشي ليه يأنفيكتيه, الساعة طلبناه وكلنا ليه راه السيد معكّس من عند الله و "طوبيس" وحتى اللي خدامين معاه حايرين معاه.

عمليّا راه كلمة وحدة من المقال إيلا درتيها فمحرك البحث "جوجل" ولا "ياهو" ولا أي محرك بحث آخر غاديا تعطيك نتيجة وحدة, أن المقال ديال هيسبريس, هادي مافيها لا خود ولا آرا, يعني ماشي تعاير هيسبريس وتكول عليه "موقع مشبوه" فالأعمدة ديالك وفاللخر تشفر منو ليزارتيكل !! هادي ممهضوماش.. أسيدي مابقا عندك ما تكتب !؟ خود المقالات من عندنا, هانيا, مّت هانيا, ونقدرو نسيفطو ليك "خنزور" يبقا يكتب ليك كولا نهار كاع, بلا متبقاو تقجّو فالخبارات ديال و.م.ع وتعاودو تعجنوهوم فهاديك الجريدة عندكوم, ولكن بشرط, تخلّصو, مدّيرش ليه بحال هداك الكاريكاتيريست ديال "لوسوار" اللي مخلصتيهش, و كنتي كتخليه يتسنا من 11 صباح حتى 4 لعشية مسكين, و تسلت عليه من الباب لاخور.. حتى مشا فحالو.. ماعلينا, هدا ماشي موضوعنا دابا, خديتي المقال وعجبك,هانيا , ولكن مافيها باس تدير المصدر, على الأقل غير من باب الاحترام لعملك كصحافي, ولا عرفتي أش غادي تدير, مالقيتي باش تعمّر هاديك العُقوبة اليومية اللي عندك ياك, عمّرها بهداك السّطوك ديال الشعر ديالك اللي مكيقراه حتى حدّ, ولا دير فيه شي إعلانات, راه الإعلانات خدامة مزيان هاد الأيام, و الماجيدي راه صحيبك ويوقف معاك فهاد القضية..

نوطة :

هادوك الطبقة ديال نيني وصحابو الـ3 اللي كيعمّرو معاه فروايال منصور وعاطينها للنميمة, وبايعين الماتش, وكيضحكو على الشعب بالسمية ديال النضال, غادي نتخصصو فيهوم هاد الأيام فتريكيل الالكترونية, وا ما كاين غير لفريش, آرا برّع !!


عن "التريكيل" حيت ما قادّين على تقليد ولاتصنطيح.. ناظور24




نيني يسرق من "تريكيل" الإلكترونية



1.أرسلت من قبل abo salma في 03/12/2009 14:15
اش اسرق انت كتبتي جوج ديال الكلمة أهو أكتب مقال
برافو نيني وها

2.أرسلت من قبل maroc في 03/12/2009 16:47
ghir kdob o icha3at antoma ali katsar9o mano akhbar chi wa7din makay3arfo 7ata idiro jomla o kaygolo rah dar copie

3.أرسلت من قبل بوشتى في 03/12/2009 17:07
الله ينعل لي ما يحشم . واش عند بالك تتهدر مع ولاد درب ، داير عليهم الواعر. نني كان حابس لكتابة حتى جات التريكيل 3 دسيمانات هاذي باش ينقل منها. ولا باغي اشهار فابور . اتا سير اتقا الله او شوف ليك شي شغل . باين فيك مقصح يمكن . اوا الله غالب . سير دبر على خدمة اوفةت عليك عباد الله ، ماشي غا نيني ولكن سيادك كاملين حيث باين فيك انت في الحضيض .

ولا يحق لك انتقاد اي شخص حتى تكون على الاقل مثله . فنيني رغم اني لا اعرفه ولا اقرأ له انسان احترمه والانسان دار بلاصتو صحة فهاد لبلاد . اوا كون بحالو او دير بلاصتك مع الذياب حتى انت عساع اجي تكريتيكيه .

*************************************************

4.أرسلت من قبل Driss في 03/12/2009 17:28
Nini chaffar o baaa3 lmatch o lli mazal ghaltin fih lyam ghadi twari lihom dak cha3baoui ach taiswa.

5.أرسلت من قبل navigateur في 04/12/2009 00:35
Vous perdez votre temps. Le lecteur est beaucoup plus intelligent que vous le croyez. Alors apportez lui du nouveau................

6.أرسلت من قبل f.b.i في 04/12/2009 12:36
lakhbar ijiboh atwala
3ad marakomch 3arfin dak achakam rachid nini
akbar monafi9 falmaghrib rir tab3oh hhh